Nordlandsturen 2020 Det skulle bli ein litt spesiell tur i år. Gjennom sommaren hadde vi fått tilsendt bilete frå området der vi fiska og vatna var dekka av is. Vi hadde håpa at isen skulle vera ein saga blott då vi kom opp, men slik vart det ikkje. Seglvann var omtrent heilt dekka av is, på Fiskvann var omtrent halve vatnet dekka av is og alt var på den delen av vatnet der vi hadde hytta. Rundvann var noko betre men problemet der var at mykje av strandlina fortsatt var dekka av is. Vel det var ikkje noko anna å gjere enn å prøve oss fram. Resultatet av 7 døgn fiske vart 2 små aurar og ei lita røye, fiskane vegde kanskje ein halv kilo kvar, altså det ein i desse vatna kallar småfisk. Heldigvis var Karl i hytta, han hadde sette garn då vi kom opp slik at vi fekk med oss ein aure og ei røye til middag første kvelden. Vidare ba han oss på middag ein kveld, då frotsa vi i aure og røye. Vi prøvde å fiska i Rundvann, Sundvann, Fiskvann, Seglevann og Saravann, Heller ikkje på Saravann, som faktiskt var isfritt, var det noko å få. Dei einaste fiskane vi fekk var i innløpet til Fiskvann. Været var veldig bra og turen forøvrig, men fisket var under ein kvar kritikk.
|
||
Fugeløya like før sola går i havet |
Bildet teke ved Fiskvann, fjellet i synsranda er Høgstjerna |
|
Karl og Tormod slappar av i finværet | Meiner dette er frå Sundvann | |
Å prøve få ut båten var eit sant strev i år | Tormod prøver turrfluge i Fiskvann | |
Fint og varmt var det | Turrflugfiske i Saravann |