Eg møtte Tormod på Stjørdal og dermed var
fisketuren i gang. Første stopp var, i år som i fjor, hjå Bjørn og Tove på hytta
ved Mellingsvatnet. Denne gangen tok me ein fisketur saman med Bjørn og Ståle
til Steinfjellet der me ei natt fiska etter auren. Ein flott tur, me fekk ikkje
så mange aurar men nokre blei det. Etter stoppen på hytta til Bjørn og Tove
reiste me vidare nordover, den første stoppen blei sjølvsagt ved Laksforsen i
Vefsna. I år var det mindre fisk som viste seg enn det me har sett tidlegare.
Neste stopp vart Fusta ved Mosjøen før me reiste vidare nordover over
Saltfjellet. Me overnatta på Saltstraumen hotell og reiste morgonen etter til
Sundsfjord der me fekk nøkkelen til Nausthytta av Synnøve. Siste stopp før
fjella blei Ørnes der me kjøpte fiskekort og elles bunkra opp til fjellturen.
Me fekk eit framifrå vær på fjellet og aldri har vel me fått så mange flotte
røyer, dei fleste låg mellom 1,5 og 2 kg. og sjølvsagt vart det besøk i Hals
hytta, alltid kjekt der.
Etter å ha vore på fjellet i ei veke, der det kun gjekk i fiske og noko eting,
var det tid for sørtur. Første stopp vart hjå Anna og Reidar i Leirfjorden.
Hyggeleg vertskap! I år hadde Reidar tilmed bestilt kvalshow til oss; på
formiddagen kom 7 kvalar inn fjorden og hoppa oppimot 2 m. før dei landa på sida
for å slå i svime fiske som dei seinare plukka opp. Eit mektig skue. Dagen etter
blei det fiske etter sjøauren i Fusta, og jammen fekk me ein sjøaure på 6 kg.
Etter fiske i Fusta køyrde me til Bjørn og Tove igjen og la oss på
morgonkvisten. Me sov ut for så å dra vidare til Gaula, her blei det kun ein
tert på oss men me hadde kontakt i vel ein halvtime med ein storlaks. Etter å ha
overnatta på Valdøyan Camping eit par dagar var det avreise og heim igjen til
Sogndal.
|