|
Tormod og Ove reiste inn til Fjellstødl på
tysdag men før me reiste fram prøvde me oss på ein bukk i
Beitabakken. Bukken oppdaga nok aldri at me prøvde å få nærkontakt
med han. Bukken for framover medan me tenkte han skulle heimover.
Det var nok bukken som tenkte feil :-)
På onsdagsmorgon prøvde me oss på Strunka og i Svartøyadn men her
såg me ikkje dyr, medan me holdt på kom Randi inn på VHFen og sa at
ho såg dyr på svodn heimom Beitabakken. No vart det full fart, først
til Fjellstødl og så vidare heimover. Tormod gjekk opp til
Tormodssplass medan Ove skulle til Daurmåla for å jage dyra fram og
oppover mot Tormod. Ove gjekk høgt opp heime i Daurmåla og
fram i retning svådn der Randi hadde sett dyra stod på. Då Ove var
komen halvveges inn på det første svaet kom Randi inn og sa at no
for dyra opp og fram i retning Tormod, men noko smell kom ikkje.
Dermed fortsett Ove framover på svaet og byrja og ta seg opp den
siste biten til Hamralaget. Etter ei lita stund så gjekk det eit
smell og Tormod hadde fått seg ein fin ein 8-taggar. Kolla og kalven
passerte Tormod på ca 5 meter, dei skar ned rett ved Tormod og
forsvann framover. |
