Då var det dags for Asle og Ove til å ta seg
ein tur inn på Fjellstødl for å jakte og overnatte. Karane reiste
innover i 15 tida og på vegen opp blei det laga plan for korleis
jakta skulle føregå; Asle på Brehaugane og Ove i elva ved
Storegranden. Vel oppe på Stødl var det å få tinga inn i selet for
deretter å setje seg ut i terrenget.
Kl 18:40 høyrde Ove eit skot men det var heilt daudt på VHFen, Ove
trudde difor at de hadde vorte skote eit dyr på Øygarden eller
kanskje på Grandavodl, men etter ei god stund kom Asle innpå og sa
at han hadde skote ein bukk. Grunnen til at han ikkje kunne byrje å
snakke med ei gong var at det også kom to koller til han. Desse fekk
han diverre ikkje fri sikt til og dyra forsvann etter ei tid.
Då Asle hadde skote og Ove var på veg ned for å hjelpe til trudde
Asle at Ove tulla med han, det byrja å brøla der Ove skulle kome,
men det var nok ein hjortebukk og ikkje Ove som heldt på. Det var
stor aktivitet av bukkane denne kvelden, me høyrde kanskje fleire
enn me nokon gong tidlegare hadde høyrt i dalen.
Etter utvombing og vel oppatt i selet vart det å lage til elgbiff
frå ein av elgane Asle hadde skote på Phlate eigedommen i Binndalen,
til kjøtet blei det servert urtegratinerte poteter, steikt
shampignong, peppersaus og portugisisk raudvin (og ein liten
calvados ;-)) . |