|
[ Tilbake ]
Slåtteskreene 11. september
|
Etter mange observasjonar av dyr og
nesten-situasjonar første jaktdag var forventningane store då me
grytidleg den 11. forlet Strunka med kamoutstyr, kikert og
rifle. Johnny gjekk fram til Mikkelstølen og Trygve heim til
kikreplassen på Brehaugane, medan Tormod venta på Fjellstølen
klar til utrykking dersom det vart observert dyr. Nokså tidleg
såg Tormod kolle og kalv som kom frå Svartøyskrea inn i
Stølsskrea. Dyra hasta litt på og gjekk til slutt opp og inn på
Kvernhushammaren. Desse dyra hadde me sett før og det var tanken
å ta ut kalven. Straks etter kom det melding frå Trygve: Fjordyr
observert i Slåtteskreene ! Tormod var då allereie komen over
brua på Fjellstølen og tok straks heimover langs elva. Dette
vart ei klassisk kikertjakt der Trygve dirigerte og leia Tormod
i skotposisjon. Dyret fall på staden etter skot på nært hald.
Tormod vomma ut og drog dyret til elva der det vart henta då me
gjekk heim seinare på dagen.
|
|
