Me kom inn til lavvoen om kvelden i 6 tida. Planen var at Tormod skulle gå direkte opp til Myrhaug for å ligge der til neste morgon, då skulle me gå opp lia og prøve å løyse dyr mot Tormod. Gjekk det slik trur du? Å nei du, han hadde ikkje gått meir enn 20 minuttar frå lavvoen då me høyrde eit par skot og på VHF´en høyrde me: "Ta med slakteutstyr og kom!". Då eg kom opp så såg eg at det låg eit flott dyr i graset, men Tormod var oppteken av et eg måtte bli med litt lenger bort for å sjå på noko merkeleg. Det merkelege var ikkje merkeleg i det heile; der låg dyr nummer 2; ein flott spissbukk! Ein stor kronhjort gjekk saman med ungdyra. Bukken fekk gå i fred, men flytte seg ikkje før Tormod var under 50 meter frå han!